DAPHNIS et ALCIMADURE

Un opéra en occitan a la cort del rei Louis XV

☰

Jean-Joseph Cassanéa de Mondonville

Jean Joseph Cassanéa de Mondonville, Maître de musique de la chapelle du Roi, né à Narbonne. Dessiné par C.N. Cochin; 1765. Gravé par Delatre. 1est. : burin, eau-forte ; 16x11,5 cm (cadre), 22x15 cm (f.), Bibliothèque nationale de France, département Musique, Est.Mondonville001

Jean-Joseph Cassanéa de Mondonville ven d’una familha de musicians narboneses, son paire èra organista de la catedrala de Narbona. Seguís d’estudis musicals e ven en 1738 violonista e director al Concert Spirituel.En 1740, accedís a la carga de mèstre de musica a la Capèla Reiala, una de las tres compausantas de la musica de l’Ostal del Rei, amb la Cambra e l’Escudariá, especializada dins la musica religiosa, amb sos cantorals.

Inventiu e dotat d’una tecnica violonistica perfièita, Mondonville marca la musica de son temps d’un nombre grand d’òbras de tria. A la manièra de sos contemporanèus, coma Rameau, Mondonville s’illustra dins lo genre, que domina alara en musica sacrada, del grand motet amb cantadís e orquèstra. Son De profundis li conferís una cèrta notorietat. Dins lo domeni de la tragèdia lirica, conven de citar Vénus et Adonis o encara Titon et l’Aurore, que rencontran un succès fòrt grand e lo consacran defensor de la musica francesa.

Al servici dels interesses musicals del Rei, lo compositor e violonista narbonés figura entre los musicians mai grands del sègle xviii.

La Brega dels Bofons

Daphnis et Alcimadure, pastorale languedocienne dédiée à Madame La Dauphine, représentée à Fontainebleau devant leurs Majestés les 29 octobre, 4 novembre 1754 et par l'académie Royale de Musique Le 5 Janvier 1755. Les Paroles et la Musique sont de Mr Mondonville Maître de Musique de la Chapelle du Roy, Œuvre IX, prix en blanc 18t, Gravé par le sr Hue. Paris : L'auteur : Bayard : Vernadé, [1755], 197 p. (33cm.) In-4, basane fauve mouchetée, dos orné, tranches rouges (Reliure de l'époque) Mediatèca occitana, CIRDOC-Béziers, cote MUS-R1

Daphnis et Alcimadure foguèt jogat davant la cort a Fontainebleau los 29 d’octobre lo 4 de novembre de 1754, puèi a l’Opèra lo 29 de decembre seguent. Aquesta pastorala lengadociana es entièrament redigida en occitan.

Mondonville presenta son opèra dins lo contèxte de çò que se diguèt la Brega dels Bofons, qu’esclatèt en 1740 e opausèt aqueles que tenián per l’opèra italian e los defensors de la tradicion francesa. Mondonville es un dels protagonistas d’aquesta brega, es amb Rameau, Lully e Campra un dels representants de la musica francesa.

Pasmens, aqueste còp, sembla temptar una sintèsi entre las doas escòlas. Dins la forma musicala es totjorn l’eretièr de Rameau mas per l’emplec de la lenga occitana se rapròcha de l’estetica italiana. D’unes aires an tanben una color italianizanta.