DAPHNIS et ALCIMADURE

Un opéra en occitan a la cort del rei Louis XV

☰

Una intriga amorosa sus un aire de país

L’opèra conta l’istòria del pastre Daphnis, amorós de la jove Alcimadure, aquela d’un amor decebut: la polida crei pas a la sinceritat dels sentiments del pastor. Mas lo jovent pòt comptar sul sosten de Janet, lo fraire d’Alcimadure. Aqueste va desplegar tot un estratagèma per provar a sa sòrre l’autenticitat de l’amor de Daphnis.

L’accion se debana dins una Arcadia tolosenca, se situa dins lo bòsc de Bocona al nòrd de Tolosa.

Maquetas de Decòrs de Jean Hugo

Tradiciion literària dels jòcs florals

LA PREMIÈRE SÉANCE DES JEUX FLORAUX,
Jean-Paul Laurens,
Salle des illustres au Capitole de Toulouse, ville de Toulouse, région Midi-Pyrénées (France)

En prològ, trobam una òbra en francés de l’abat Claude Henri Fusée de Voisenon (1708-1775), Les Jeux floraux. Aqueste abat de cort parlava pas occitan. Pasmens es interessant de notar sa coneissença de l’univèrs de l’Acadèmia dels Jòcs Florals de Tolosa, del Consistòri del Gai Saber e de sa mitologia. Aital, i es evocada Clémence Isaure, fondatritz mitica de la companhiá dels Jòcs Florals, fondada en 1323, dins l’amira de manténer la poesia dels trobadors e venguda Acadèmia reiala en 1694.

Una adaptacion d'una faula de la fontaine

[VIGNETTE, FUMÉ POUR L’ILLUSTRATION DE : LA FONTAINE, JEAN DE, «FABLES», «DAPHNIS ET ALCIMADURE»]   : [ESTAMPE]   ([FUMÉ]) Gustave Doré, 1868, 1 est. : gravure sur bois ; 8 x 16,5 cm (im.). Bibliothèque nationale de France, département Estampes et photographie, FOL-DC-298 (J, 1)DAPHNIS ET ALCIMADURE : [ESTAMPE] ([TIRÉ À PART])
Gustave Doré, Pannemaker-Doms, 1868, 1 est. : gravure sur bois ; 23,6 x 18,7 cm (tr. c.) Bibliothèque nationale de France, département Estampes et photographie, FOL-DC-298 (J, 1)

Mondonville manlèva son subjècte a una Faula de La Fontaine, aquela del Libre XII de 1694, mas ne càmbia la fin tragica, aquela de la disparicion dels protagonistas, per una fin urosa que s’i maridan.

Una pastorala lengadociana

Daphnis et Alcimadure es reivindicat per Mondonville coma « pastorala lengadociana » : lo genre de la pastorala es fòrça en vòga a la cort en aquel moment..