DAPHNIS et ALCIMADURE TEST

Ua entriga amorosa sus un aire deu país

L’opera que conta l’istoèra deu pastor Dafnis, amorós de la joena Alcimadura, l’istoèra d’un amor desa- hidat : la bèra ne cred pas a la sinceritat deus sentiments deu pastor. Mes lo gojat que pòt comptar suu sostien de Janet, lo frair d’Alcimadura. Aqueste que va alargar un beròi estratagèma tà dar pròvas a la soa sòr de l’autenti- citat de l’amor de Dafnis.

L’accion que’s debana dens ua Arcadia tolosana, au bòsc de Bocona, au Nòrd de Tolosa.

Tradiciion literària deus jòcs floraus

En prològue, que trobam ua òbra en francés de de l’abat Claude Henri Fusée de Voisenon (1708-1775), Les Jeux floraux. Aqueste abat de cort ne parlava pas occitan. Qu’ei totasvetz interessant de véder la soa coneishença de l’univèrs de l’Academia deus Jòcs Floraus de Tolosa, deu Consistòri del Gai Saber e de la soa mitologia. Atau, que i ei evocat Clamença Isaura, fondatora mitica de la companhia deus Jòcs Floraus, fondada en 1323, dont la tòca ei de mantiéner la poesia deus trobadors e qui vad Academia reiau en 1694.

Ua adaptacion d'ua fabla de la fontaine

Mondonville qu’empronta lo son subjècte a ua Fabla de La Fontaine, a deu Livre XII de 1694, mes que’n càmbia la fin tragica, la de la despartida deus protagonistas, per ua fin urosa quan los dus amorós e’s maridan.

Ua pastorala lengadociana

Daphnis et Alcimadure qu’ei revendicat per Mondonville com « pastorala lengadociana » : lo genre de la pastorala qu’ei alavetz de mòda a la cort.